Qazaxıstanın paytaxtı Astanada Suriya böhranı ilə bağlı müzakirələr aparan Rusiya, İran və Türkiyə açıqlama yayıb.
GUNAZ.az xəbər verir ki, tərəflər danışıqlardan sonra İdlib başda olmaqla, Suriyanın 4 bölgəsində gərginliyi azaltmaq üçün razılaşdıqlarını bildiriblər.
Açıqlamada İdliblə yanaşı, Latakiyanın şimalı, Hələbin qərbi və Dəməşqin şimalında gərginliyi azaltmaq məsələsində razılaşma əldə edildiyi qeyd olunub. Sözügedən bölgələrdə təhlükəsizliyin təmin olunması üçün 6 aylıq anlaşmanın imzalandığı, lakin bu müddətin uzadılmasının mümkün olacağı qeyd edilib.
Bundan başqa, növbəti Astana görüşünün oktyabr ayında keçiriləcəyi açıqlanıb.//axar.az
