İranda şəhərlərarası sərnişin avtobusunun qəzaya uğraması nəticəsində 11 nəfər ölüb, 28 nəfər müxtəlif dərəcəli bədən xəsarəti alıb.
GUNAZ.az xəbər verir ki, hadisə sentyabrın 12-si, saat 02:30 radələrində Cacirud şəhəri yaxınlığında baş verib.
Kərəcdən Mazandaran əyalətinin Sari şəhərinə yola çıxan avtobus naməlum səbəblər üzündən Cacirud körpüsünə 1 kilometr qalmış yoldan çıxaraq 50 metrlik dərinliyi olan dərəyə yuvarlanıb.
Hadisə yerinə xilasedicilər cəlb edilib. Yaralılar ətrafdakı xəstəxanalara yerləşdirilib. Onlardan bəzilərinin səhhətinin ağır olduğu bildirilir. Hadisənin səbəbləri araşdırılır./axar
