Meksikanın şimalındakı Sinaloa ştatındakı İMSS xəstəxanasının damına helikopterdən insan cəsədi atılıb. Gunaz.az Reuters-ə istinadən xəbər verir ki, hazırda həbsxanada olan məşhur narkobaron El Kapo (Bücür) ləqəbli Xoakin Quzmanın Sinaloa narkokartelinin təsiri altında olan əyalətdə baş verən hadisə səhər saat 7:30 radələrində baş verib. Təcili tibbi yardım işçiləri bölgədə eyni təyyarədən atılan daha iki meyit tapıldığını bildiriblər. Xəbərə görə, 2016-cı ildə El Kaponun həbs edilməsindən bəri Sinaloa kartelində yaşanan daxili qarşıdurmalar və rəqib qruplardan gələn yeni təhdidlər səbəbilə əyalətin təhlükəsizliyində problemlər yaşanır.