İranda İsrailin hücumları nəticəsində ölənlərin sayı 935-ə çatıb.
GunAz.az bildirir ki, bu barədə “Təsnim” agentliyi məlumat yayıb.
İranın ədliyyə sözçüsü Əsgər Cahangir bildirib ki, İsrailin endirdiyi zərbələr nəticəsində ölənlərin sayı 935-ə çatıb, onlardan 38 nəfəri uşaq, 102 nəfəri isə qadındır.Xatırladaq ki, İsrail iyunun 13-nə keçən gecə İrana qarşı əməliyyata başlayıb. Ordunun bombardmanlarının hədəfi nüvə obyektləri, generallar, görkəmli nüvə fizikləri, hava bazaları, hava hücumundan müdafiə sistemləri olub. İyunun 24-nə keçən gecə ABŞ prezidenti Tehran və Təl-Əvivin atəşkəs haqqında razılığa gəldiyini açıqlayıb.
