“Mossad, ordu və daxili kəşfiyyat təşkilatının nümayəndə heyətləri çərşənbə axşamı Qahirəyə gedə bilər”.
GunAz.az xəbər verir ki, bu barədə məlumatı İsrailin dövlət televiziyası “KAN” paylaşıb.
Xəbərdə qeyd olunub ki, nümayəndə heyətinin Qahirəyə səfəri HƏMAS-ın cavabından asılıdır:
“Əsir mübadiləsi üçün təzadlı fikirlər var. Məsələ ilə bağlı İsrail ilə Misir arasındakı danışıqlar hələ də davam edir”.
O da bildirilib ki, Misir İsrail nümayəndə heyətini HƏMAS ilə danışıqlar aparmaq üçün Qahirəyə dəvət edib.
Misir və Qətərin vasitəçiliyi ilə hazırlanan yeni atəşkəs və qarşılıqlı əsir mübadiləsi razılaşması təklifinin cümə günü HƏMAS-a təqdim ediləcəyi açıqlanıb.
