Moskvada uzunmüddətli kirayə mənzillər 6 ay ərzində orta hesabla 10 faiz ucuzlaşıb.
GunAz.az xəbər verir ki, “Yandex Rental” xidmətinin rəhbəri Roman Jukov bildirib ki, paytaxtda orta icarə qiyməti ayda 80 min rubla düşüb. Adətən daha ucuz olan studiya və bir otaqlı mənzillərin payı 2023-cü ilin payızındakı 27 faizdən 2024-cü ilin yazında 34 faizə yüksəlib.İndi studiyalar və bir otaqlı mənzillər seqmentində kirayə haqqı ayda orta hesabla 60 min rubl, iki və üç otaqlı mənzillər seqmentində – 100 min rubl təşkil edir.
Kirayə evlərin qiyməti ən çox Xamovnikidə düşüb – 2023-cü ilin sentyabrında qiymətlərlə müqayisədə 36 faiz, ayda 148 min rubl. Rostokino ərazisində və Vernadski prospektində nəzərəçarpacaq dərəcədə daha sərfəli mənzillər var.Jukov qeyd edib ki, mənzil kirayələmək üçün ən uğurlu vaxt aprelin ikinci yarısından mayın sonuna qədər olan dövr olacaq. “May bayramlarına yaxın və iyul ayına qədər biz tələbatın ənənəvi azalmasını gözləyə bilərik, buna görə kirayə evlərin qiymətində artım daha da yavaşlayacaq. Ola bilsin ki, ev sahibləri tətil mövsümü başlamazdan əvvəl mənzili tez bir zamanda icarəyə vermək üçün tarifləri azaltmağa hazır olsunlar”, – deyə o, izah edib./ konkret.az
