7 oktyabrdan – HƏMAS və “İslami-Cihad”ın İsrailə qarşı “Əqsa tufanı” əməliyyatı başlatmasından sonra İsrail ordusunun cavab zərbələri nəticəsində Qəzza zolağında ölən fələstinlilərin sayı 424-ə çatıb.
Bu barədə Fələstin Səhiyyə Nazirliyi açıqlama yayıb.
Bildirilib ki, xəsarət alanların sayı 2,3 mindən çoxdur.
Qeyd edək ki, İsrail HƏMAS-ın hücumları nəticəsində 700-dən çox sakinin öldüyünü, 2,2 mindən çox insanın isə yaralandığını açıqlayıb. Eyni zamanda, İsrail ordusu döyüşlərdə indiyə qədər 73 hərbçi itirdiyini elan edib.
