SON DƏQİQƏ
» » Gürcüstan Rusiya vətəndaşlarına viza tətbiq edir?

Gürcüstan Rusiya vətəndaşlarına viza tətbiq edir?

Tarix:

21-09-2022, 21:44

/ 1 304 dəfə oxundu.
Gürcüstan Rusiya vətəndaşlarına viza tətbiq edir?

Hazırkı mərhələdə Rusiya vətəndaşlarına viza tətbiq etmək məsələsi müzakirə edilmir.

GunAz.az xəbər verir ki, bu barədə Gürcü Arzusu Partiyasının sədri İrakli Kobaxidze açıqlama verib.

Onun sözlərinə görə, hökumət maksimum şəkildə ölkənin milli təhlükəsizliyinin qayğısına qalır və bunu ictimaiyyət də görür:

"İki dəfə belə bir kampaniya başladıldı ki, guya rusiyalı turistlər ölkəmiz üçün ciddi təhlükə yaradacaq. Hər iki dəfə məlum oldu ki, bu kampaniya tamamilə əsassız, saxta və sünidir, siyasi məqsədlər güdür. Vəziyyət tam nəzarətimiz altındadır. Bütün qurumlar bununla bağlı məsuliyyət daşıyırlar və bundan sonra da məsuliyyətlə fəaliyyət göstərəcəklər. Ümumiyyətlə təhdidlərə gəlincə, təbii ki, təhdidlər var və biz bu haqda aylardır danışırıq. Odur ki, biz bütün qurumları, o cümlədən radikal müxalifəti, aidiyyatı QHT-ləri müharibəyə yönəlmiş ritorikadan əl çəkməyə, təxribatlardan çəkinməyə çağırdıq. Buna baxmayaraq, onlar öz ritorikalarını, təxribat xarakterli, qəbuledilməz hərəkətlərinə davam edirlər. Hazırda (Rusiyada) yeni səfərbərlik elan olunduğuna görə biz daha da ayıq və diqqətli olmalıyıq ki, təhlükələr bizdən yan keçsin. Müharibə yarım ildən artıqdır ki, davam edir. Bizim dövlət qurumları təhlükəsizliyimizi təmin edir və bu gələcəkdə də davam etdiriləcək”.

Qeyd edək ki, ölkənin bir sıra müxalif partiyaları və QHT-təşkilatlatı hökuməti Rusiya vətəndaşlarına viza tətbiq etməyə çağırırlar.


скачать dle 12.1

Şərhlər

XƏBƏR LENTİ