Azərbaycan təmsilçisi Diana Hacıyeva "Eurovision"da finala çıxdı -FOTO
Tarix:
10-05-2017, 11:51
/ 3 393 dəfə oxundu.
Ukraynanın paytaxtı Kiyevdə, Beynəlxalq Sərgi Mərkəzində 62-ci "Eurovision-2017" mahnı müsabiqəsinin birinci yarımfinalı keçirildi. Birinci yarımfinalda 18 ölkələnin nümayəndələri çıxış edib və onlardan yalnız 10-u yarışın final mərhələsinə vəsiqə qazanıb. Azərbaycanı təmsil edən Diana Hacıyeva (Səhnə təxəllüsü - Dihaj) səhnəyə səkkizinci çıxaraq "Skeletons" mahnısını ifa edib və finala çıxıb. "Skeletons" mahnısının müəllifləri bəstəkar prodüser İsa Məlikov və Sandra Byurmandır. "Eurovision-2017" mahnı müsabiqəsinin final mərhələsinə Azərbaycan, Moldova, Yunanıstan, İsveç, Posrtuqaliya, Polşa, Ermənistan, Avstraliya, Kipr və Belçika təmsilçiləri vəsiqə qazandılar. Qeyd edək ki, finala birbaşa vəsiqə qazanan ölkələr - müsabiqənin bu ilki ev sahibi Ukrayna və Fransa, İtaliya, Almaniya, İspaniya və Böyük Britaniyadır. İkinci yarımfinal mayın 11-də, müsabiqənin final mərhələsi mayın 13-də keçiriləcək.
