Satirik qələmlə
Nə qədər ki, müqəddəs kitabımız olan
"Quran-Kərim”dən uzaqlaşırıq, cindarların, falabaxanların sayı günü-gündən
artır. Öncəgörücülər televiziya ekranına çıxarılır, uşaq və gənclərdə pozucu
sarsıntılar, qorxu yaradırlar.
Falçıların əksəriyyəti istənilən insanları
tora salır, bədənində cin var deyə öz istəklərini yerinə yetirməklə haram pul
qazanırlar. "Qurani-Kərim” fala baxmağı - ulduz falını, cadu-pitini qadağan
edib.
Bəzən də molla dua yazır, təsadüf nəticəsində
həmin insan sağalır, hər şeyi dua yazan mollada görüb, ona inanmağa
başlayırlar. Əslində tək Allah hər işə qadirdir. Yaradan da Odur. Allaha dua
etmək lazımdır.
Dədə-babadan adını seyid adlandıran Molla
İbadulla cindarlıqla məşğul idi. Gələn xəstələrə tas qurar, dua yazar,
sağaldardı. Kənd əhli də onu tərifləyərdi. Çünki qazancından qonşulara da verər
və onu təbliğ etməyi tapşırardı.
Ərə getmək istəyən, uşağı olmayan, baxtı
bağlanan, dəli olan, stress keçirən onun yanına gələr, üç gün ocağında yatardı.
Mövhumatçı insanlar övladlarının sağalması üçün hər şeyə hazır olardılar.
Bir gün Yaqut adlı tanışım molla İbadullanın
yanına gedir. Hər kəsi tək qəbul edən İbadulla 15-20 dəqiqə xəstəsi ilə söhbət
edər, arvadı isə qonşu otaqda gələn qonaqlara çay süzər və deyərdi: Siz baxmayın,
kişi "Quran”a baxır, ağırlığı sizin üzərinizə düşməsin. Yaqut "Quran” kitabının
altına 20 manat pul qoyub, qan-tər içərisində qonşu otağa keçdi və biz yola
düzəldik. Bir neçə gündən sonra Yaqut mənə dedi: Rauf, bu kişi lap yanıq imiş
ki?! Mənə qarşı əl hərəkətləri edir, belimi, sinəmi sığallayırdı. Amma köpək
oğlu elə dua yazıb ki, avtomobilimi saatda 120 ilə sürürəm, bir polis də mən
tərəfə baxmır.
Onu da qeyd edim ki, Molla İbadullanın yanına gələn kişilərin hərəsinə bir qarqara
sap verib deyirdi ki, bunu aç, amma uzat, düz küçəyə, həyətə qədər get və
Allaha dua elə. Özü isə kişini yola verəndən sonra arvadın başına bir əl çəkir
və onun dümbəyini sığallayardı.
Yazıq kişi qarqara açmaqda olsun, əlqərəz, bir
dəfə molla İbadullanın yanına bir gənc ailə gəlir. 6 ildir ki, övladları
olmadığını deyirlər. Molla İbadulla bic-bic cavan, yaraşıqlı gəlinə baxaraq
saqqalını tumarlayır və udqunaraq deyir:
-
Mənim balam, bu otaq ocaqdır. Gərək üç gün burada yatıb Allaha dua edəsən.
Cəddim cənabə Peyğəmbər köməyində durar. Tezliklə övladın olar. Amma gecə
yuxuda nə görsən, gəlib səhər mənə danışarsan. Ola bilər ki, qurban olduqlarım
gözünə görsənər, elə bilərsən səni qara basır, qorxma bala. Onlar sənə şəfa əta
edərlər.
Molla
İbadulla bir müddətdən sonra qonaqları yola salır, gənc gəlin isə ocaq
adlandırılan hisli-paslı otaqda Allaha yalvarır, sidq ürəklə zikr edirdi. Elə
ki, Molla Qeybullanın arvad-uşağı yuxuya gedir. O gecə saat 4:00 radələrində ağ
əmmaməni başına taxır, ağ kəfəni əyninə geyinərək "ocağa” daxil olur. Baxır ki,
göyçək gəlin bərk yuxuya gedib. Yavaş-yavaş yaxınlaşıb bismillah deyə-deyə
gəlinin ağ bədəninə əl atır. Gəlin yuxudan ayılıb mat-mat "qurban olduğuma”
baxır. Birdən ağ əmmaməli kişi yorğanı qaldıraraq gəlinin yanına girib ona
təcavüz etmək istəyəndə gəlin avam da olsa cindarın kələyini başa düşür və
çırpınaraq qocanın əlindən qurtulur.
Gecə
köynəyi ilə evdən çölə atılan gənc gəlin üz tutur üzümlüyə. Tikanlı kollar
bədənini cızsa da, o, sürətlə qaçaraq üfunət iyi verən yaşlı cindardan yaxa
qurtarmağa çalışır. Molla İbadulla isə sakit halda gəlib yerinə uzanır. İstəmir
ki, arvad-uşaq oyansın.
Cavan
gəlin 15 kilometr yolla qaçaraq səhər açılanda rayondakı evlərinə çatır.
Darvazanı döyəcləyir. Əri, qayınatası, qayınanası bu səsdən diksinib çölə çıxırlar.
Gəlini al-qan içində görüb çox qəzəblənirlər. Gəlin başına gələnləri mövhumatçı
doğmalarına danışır. Onlar gəlini evdə qoyub təcili kəndə qayıdaraq Molla
İbadullanı evdə var-gəl edən vaxtı tapırlar və soruşurlar: Hanı gəlin?
-
Ay bala, indi burda idi, bəlkə su başına çıxıb, - deyə yayınmağa çalışan
cindarı avtomobilə mindirib deyirlər:
- Gedək gəlini axtaraq. Üzümlüyün sıx yerində
Molla İbadullanı avtomobildən düşürdürlər. Avtomobilin mantrofkasını
(ruçkasını) cindarın anus dəliyindən salaraq sağa-sola burub bağırsaqlarını
bir-birinə dolayıb ölümcül hala salırlar.
Kişilikdən məhrum olan Molla İbadullanın
arvad-uşağı gecə yarısı onu üzümlükdə zarıyan vəziyyətdə tapırlar.
Xəstəxanada uzun müddət müalicə olunan Molla
İbadulla həkimlərdən xahiş edir ki, onun kişiliyini bərpa etsinlər. Hamıya əlac
edən, dua yazan molla İbadulla öz dərdinə hələ də dərman tapa bilmir.
Rauf İlyasoğlu
