Ukraynanın Jitomir bölgəsində 7 nəfər güllələnib.
GunAz.az xəbər verir ki, bu barədə məlumatı Daxili İşlər Nazirinin müavini Anton Qeraşenko Facebook səhifəsində yazıb.
Nazir müavininin sözlərinə görə, Popelnyanski rayonunda meşədə bir qrup kiyevli dincəlirmiş.
"İstintaqın məlumatına görə, orada 1962-ci il təvəllüdlü icarədar olmaqla 9 nəfər olub. Spirtli içki qəbul etdikdən sonra altı nəfər gölün sahilində kiçik evdə yatıb. İki nəfər isə kirayəçi ilə spirtli içki içməyə davam edib. Gecə saat 1 radələrində kirayəçi İJ markalı ov tüfəngindən dincələnlərə atəş açıb”. Qeraşenko deyib.
Bildirilir ki, əvvəlcə kişi onun yanında qalan iki nəfəri öldürüb. Sonra yatan altı nəfərə atəş açıb. Cəmi yeddi nəfər qətlə yetirilib.
Cinayət şübhəlisi tutulub. Hazırda nəzarətdədir.KONKRET.az
