Ötən həftə Kolumbiyanın Mokoa şəhərində baş verən daşqınlar nəticəsində ən azı 102 uşaq həyatını itirib. Bu barədə cümə günü ölkənin Qəza Riskləri üzrə Milli İdarəsinin məlumatında deyilir.
İdarənin son məlumatlarına görə, ümumilikdə 314 nəfər ölüb, daha 332 nəfər yaralanıb. Hazırda ölənlərin yaxınlarına dəfn edilmək üçün 247 meyit verilib.
Təbii fəlakət zamanı 127 nəfər itkin düşüb. Onların arasında İspaniya, Almaniya və Ekvador vətəndaşları da var.