ABŞ prezidenti Donald Tramp bildirib ki, Yəməndə “əməliyyat” aparan və “husi qiyamçılarına” qarşı mübarizədə Səudiyyə Ərəbistanı koalisiyasına hərbi dəstəkləri davam etdirəcək.
GunAz.az RT.Arabic-ə istinadla xəbər verir ki, bunu ABŞ prezidenti Donald Tramp Konqresə ünvanladığı məktubda deyib.
Xaricdə olan hərbi qüvvələrin vəziyyətindən bəhs edən məktubda deyilib ki, ABŞ-ın Səudiyyədə olan qüvvələri Yəmən əməliyyatında və husi qiyamçılarına qarşı mübarizədə hərbi müşavirələr, lojestik dəstəklər və sairləri təqdim edir və bu davam etdiriləcək.
Qeyd edək ki, ABŞ Konqresi Yəmən müharibəsində Səudiyyə Ərəbistanına hərbi dəstəklərin verilməsinə son qoymaqla bağlı qərar versə də prezident Donald Tramp bu qərarı veto edib.
