İngiltərənin "Arsenal" klubunda çıxış edən Məsut Özil Qarabağla bağlı paylaşım edib.
GunAz.az xəbər verir ki, türk əsilli ulduz oyunçu 25 milyon izləyicisi olan "Twitter" hesabında cəbhədə baş verən son hadisələrə Mustafa Kamal Atatürkün "Azərbaycanın dərdi bizim dərdimiz, sevinci bizim sevincimizdir" sitatı ilə münasibət bildirib.
Özil "Tək millət, iki dövlət" başlığı ilə etdiyi paylaşımda ingilis dilində Qarabağın Azərbaycan ərazisi olduğunu və ermənilər tərəfindən işğal edildiyini əks etdirən mətni paylaşıb.
Almaniya millisinin sabiq üzvünün tvitinə qısa müddətdə çox sayda reaksiya gəlib.
