Ermənistan-Azərbaycan sərhədindəki gərginlik Ermənistanın təhlükəsizliyinə və bütövlükdə KTMT-nin məsuliyyət zonasına mənfi təsir göstərir və Ermənistan, Rusiya və Azərbaycan liderlərinin Qarabağla bağlı 10 noyabr və 11 yanvar sazişlərinin icrasını çətinləşdirir.
GunAz.az xəbər verir ki, bu sözləri KTMT Baş katibi Stanislav Zas Ermənistan Baş naziri Nikol Paşinyanla görüşündə deyib.
Qeyd edək ki, 10 noyabr bəyanatına əsasən, erməni silahlı birləşmələri Azərbaycanın Qarabağ bölgəsini tərk etməli idilər. Ancaq indiyə qədər erməni birlikləri nəinki ərazini tərk edib, hətta son məlumatlara görə, rus sülhməramlılarının nəzarət etdiyi ərazilərə əlavə erməni əsgərləri yerləşdirilir.
Üstəlik, 10 noyabr və 11 yanvar bəyanatlarında əksini tapmasına baxmayaraq, Ermənistan Zəngəzur dəhlizinin açılmasına da mane olmağa çalışır.
Sərhədlərin demarkasiya və delimitasiya prosesinə əngəl törətmək və 30 illik işğal zamanı Azərbaycan sərhədinə qanunsuz müdaxiləni davam etdirmək isə "Ermənistanın təhlükəsizliyi” deyil, 10 noyabr və 11 yanvar bəyanatlarının icra edilməməsidir.
