Partiya sədri: «Rusiyanın Dağlıq Qarabağdakı fəaliyyəti sülhməramlılıq çərçivəsindən kənara çıxır»
«Ali Baş Komandan İlham Əliyevin rəhbərliyi ilə qəhrəman əsgər və zabitlərimizin təcavüzkar, faşist, işğalçı ermənilər üzərində hərb meydanında qazandığı möhtəşəm qələbə diplomatik-siyasi müstəvidə davam etməkdədir. Azərbaycan, Rusiya və Ermənistanın ali rəhbərlərinin Dağlıq Qarabağda atəşkəsin dayandırılması ilə bağlı noyabr ayının 9-da imzaladıqları bəyanata uyğun olaraq noyabrın 25-də Kəlbəcər rayonu, bir güllə də atılmadan, işğaldan azad edildi». Bunu "Azad Azərbaycan"a Təkamül Partiyasının sədri Teyyub Qənioğlu bildirib.
Onun sözlərinə görə,Dağlıq Qarabağda əldə edilən qələbə bir daha göstərdi ki, Azərbaycanla
təkbətək mübarizədə Ermənistan heç kimdir: «İnanırıq ki, dekabr ayının 1-dək
əziz Laçınımız da, mənfur düşmənlərdən azad ediləcək. Həm hərb, həm də
diplomatik-siyasi meydanda Azərbaycanın əldə etdiyi qələbələr bir daha göstərdi
ki, Azərbaycanla təkbətək mübarizədə Ermənistan heç kimdir! Bir daha aydın oldu
ki, nankor, bütün insani hisslərdən məhrum olan ermənilər indiyədək əldə
etdikləri "nailiyyətlərinə" yalnız xristian, türk düşmənçiliyi
mövqeyindən çıxış edən xarici himayədarları sayəsində müvəffəq olmuşlar. Ancaq
ermənilər deyəsən hərb və diplomatik meydanda aldıqları ağır məğlubiyyətlərdən
dərs almaq fikrində deyillər. Yenə də qisasdan, üzdəniraq "Arsax"ın
müstəqilliyindən dəm vururlar və bu məqsədlərinə çatmaq üçün yenə də xarici
himayədarlarına ümid edirlər».
Partiya sədri bildirib ki, Rusiyanın "TASS” agentliyinə verdiyi
müsahibədə Nikol Paşinyan Qarabağ münaqişəsinin uzunmüddətli olduğunu nəzərə
alaraq rusiyalı sülhəmramlıların qalacağı müddətin 5 illə kifayətlənməyəcəyini,
Dağlıq Qarabağın statusunun ATƏT-in Minsk qrupu çərçivəsində aparılacaq
danışıqlar zamanı müəyyən olunacağını söyləyib: «Prezident İlham Əliyev
demişkən "Paşinyan kimdir ki" özbaşına bu cür iddia irəli sürsün?
Deməli hələ də "ilana zəhər verən kərtənkələlər" var. Göründüyü kimi,
Daqlıq Qarabağın təmamilə, de-fakto, dövlətimizin nəzarətinə keçirilməsi üçün
Azərbaycanı diplomatik cəbhədə gərgin mübarizə gözləyir. Fikrimizcə, ilk
növbədə, 30 ilə yaxın Daqlıq Qarabağ münaqişəsinin sülh yolu ilə həllində 1 sm
də olsa irəliləyişə nail olmayan, qəti ermənipərəst Fransanın təmsil olunduğu
ATƏT-in Minsk qrupunun vasitəçiliyindən birdəfəlik imtina etmək lazımdır! Eləcə
də, sülhməramlı funksiyasını öz üzərinə götürən Rusiyanın hərəkətləri də,
nəzərdən qaçırılmamalıdır. Müşahidələr göstərir ki, Rusiyanın Dağlıq
Qarabağdakı fəaliyyəti sülhməramlılıq çərçivəsindən kənara çıxır. Sülməramlılar
özlərini Dağlıq Qarabağın idarəçiləri kimi aparır, orada bərpa-quruculuq işləri
həyata keçirir və bu sahədə üzdəniraq "Arsax"ın
"prezidenti" ilə sıx əməkdaşlıq edirlər. Onlar "qaçqın
erməniləri" müxtəlif yollarla Qarabağa daşımaqla gələcəkdə
"status" iddialarına əsaslar yaratmağa cəhd edirlər. Bu cür
hərəkətlərin qarşısının alınması üçün Xankəndində, Əskəranda, Ağdərədə,
Xocalıda, Xocavənddə Azərbaycanın mülki idarəçiliyi tezliklə bərpa edilməli, bu
ərazilərdə Azərbaycan qanunları tətbiq edilməlidir».
Bilman İSAQ
