Partiya sədri: «44 günlük müharibədəki ağır məğlubiyyət Ermənistanı bir dövlət kimi siyasi xəritədən silinmək təhlükəsi ilə üzləşdirib»
«İşğal altında qalan bütün torpaqlarımız kimi Ağdamın da azad olunmasını, bu torpağın təzədən böyük Azərbaycan ailəsinə qovuşmasını hamımız səbirsizliklə gözləyirdik. Ağdamsız Qarabağı təsəvvür etmək belə mümkün deyil. Şuşa Qarabağın qəlbi sayılırsa, Ağdam isə Qarabağın beyni, mərkəz nöqtəsi hesab olunur. Məhz buna görə də Ağdam hər bir qarabağlı üçün, hər bir azərbaycanlı üçün xüsusi dəyərə malikdir». Bunu "Azad Azərbaycan"a Milli Həmrəylik Partiyasının (MHP) sədriƏlisahib Hüseynovdeyib.
Onun
sözlərinə görə, noyabrın 10-da imzalanmış üçtərəfli Bəyanatın nəticəsində Ağdam
rayonunun işğaldan azad olunması dinc yolla baş tutdu. Bu həm də
siyasi-diplomatik müstəvidə uğur, qələbə sayıla bilər: "Fürsətdən
istifadə edib həm öz adımdan, həm də bütün MHP üzvləri adından ağdamlı
soydaşlarımızı, dostlarımızı, eləcə də bütün xalqımızı bu tarixi hadisə
münasibəti ilə təbrik edir, hər kəsə "gözünüz aydın olsun” deyirəm! Əziz
ağdamlı soydaşlarımız, biz qubadlılar kimi siz də artıq məcburi köçkün
deyilsiniz. Siz də "məcburi köçkün” adının əzici enerjisindən, ağır aurasından
xilas oldunuz".
Bu hadisənin həqiqətən də tarixi hadisə, inanılmaz olay olduğunu bildirən Partiya
sədri qeydedibki, hətta bir gün öncəyə qədər də içimizdə bir narahatlıq vardı. Düşünürdük ki,
ermənilər Kəlbəcərin bizə təhvil verilməsini qeyri-müəyyən səbəblərlə yubatdıqları
kimi birdən Ağdamın da təhvil verilməsində nəsə bir əngəl çıxararlar. Lakin
Azərbaycanın prinsipial mövqeyi və Rusiya sülhməramlılarının öz işinə
məsuliyyətlə yanaşmasının nəticəsində bu dəfə erməni bəhanələrinə, hiylələrinə
yer qalmadı və hər şey yaxşı sonluqla bitdi: «Qədim yurdumuz deyilən vaxtda–20
noyabrda bizə təhvil verildi. Heç şübhəsiz ki, bu ilk növbədə Ali Baş
Komandanımız İlham Əliyevin və Müzəffər Ordumuzun mübarizəsinin, mücadiləsinin
nəticəsidir. Odur ki, Ali Baş Komandanımız İlham Əliyevi və hər bir əsgərimizi,
zabitimizi təbrik etmək, onlara dərin təşəkkürlərimizi bildirmək mənəvi
borcumuzdur. Ağdamın azad olunması bizim üçün şərəf məsələsi idi. Bu torpağın
az qala hər qarışı Birinci Qarabağ müharibəsində qanla suvarılmışdı. Şəhid qanıyla.
Təsadüfi deyil ki, Ağdam ən çox şəhid vermiş rayondur. Bu torpağın 6 mindən çox
şəhidi var. Burda hər kənd, hər oba uğrunda qanlı döyüş gedib. Mən bunu Ağdam
uğrunda döyüşlərdə iştirak etmiş və yaralanmış bir şəxs kimi, canlı şahid kimi
deyirəm.»
Ə. Hüseynov qeyd edib ki, Ağdamı işğal altında saxlamaq
ermənilər üçün nə qədər prinsipial məsələ idisə, oranı düşmən tapdağından azad
etmək də biz azərbaycanlılar üçün elə bir o qədər mühüm əhəmiyyət kəsb edirdi.
Məhz bu amilə görə Ağdamın azad edilməsinin şərəf məsələmiz olduğunu düşünürəm.
Şükürlər olsun ki, Ağdamımız düşmən tapdağından tam şəkildə azad olundu.
Əsgərlərimiz Ağdam məscidində azan verdilər, Cümə namazı qıldılar.
Torpağımız yad əllərdən, yad ruhdan, yad nəfəsdən qurtuldu. Allahımıza şükürlər
olsun!
Partiya sədri Ali Baş Komandanımızın, xalqa müraciətinə toxunaraq
bildirib ki, ölkə başçımızın Ağdam rayonunun işğaldan azad olunması münasibətiləxalqamüraciətində
vurğuladığı kimi, Ağdam üçün yeni dövr başlayır: «Ağdam müharibənin və işğalın
fəsadlarından tamamilə təmizlənəcək. Düşmənin viran qoyduğu və minaladığı
ərazilər qarış-qarış yoxlanacaq, müharibədən əvvəlki normal halına, istifadəyə
yararlı vəziyətə gətiriləcək. Yeni yollar çəkiləcək, total abadlaşdırma işləri
aparılacaq. Ağdam sözün tam mənasında yenidən qurulacaq, əvvəlkindən də qat-qat
gözəl bir görünüşü ilə, yeni siması ilə qarşımıza çıxacaq, dünyaya açılacaq.
Cənab Prezident xalqa müraciətində bunun anonsunu verdi. İnşAllah tezliklə
Ağdamda möhtəşəm quruculuq işlərinin şahidi olacağıq. Bir sözlə, Ağdamı, bütün
ağdamlıları yeni həyat, parlaq gələcək gözləyir.
Bəs məğlub Ermənistanı nə gözləyir? Bu sualın da cavabını cənab Prezidentin
müraciətində axtarıb tapa bilərik. Prezident müraciətində Ermənistanın 30 il
ərzində tam müstəqilliyə heç cürə nail ola bilməməsini və hazırda da faktiki
olaraq asılı ölkə, müstəmləkə vəziyyətində olduğunu qeyd etdi: "Ermənistan bu
30 ilə yaxın müddətdə müstəqil ölkə ola bilmədi, bu gün də müstəqil deyil.
Ermənistan faktiki olaraq müstəmləkədir. Bu idimi erməni xalqının arzuları? Bu
idimi onların gözləntiləri? Onlar nə üçün müstəqil ölkə ola bilmədilər? İşğala
görə. İşğaldan nə qazandılar? Heç nə. Biabır oldular siyasi müstəvidə, bütün
beynəlxalq təşkilatlarda biz fəal iş apararaq onları biabır etdik və bizə lazım
olan, beynəlxalq hüququ tələb edən qətnamələr, qərarlar qəbul olundu. Onlar
döyüş meydanında məğlub olaraq bütün dünya qarşısında rəzil oldular. Bundan
sonra bu damğa ilə yaşayacaqlar, "məğlub edilmiş ölkə” damğası ilə
yaşayacaqlar”. Bu müraciətdə qeyd olunmuşdur».
Partiya sədrininsözlərinə görə,
proseslər bir daha onu göstərdi ki, Ermənistanda bu 30 ildə bir-birini əvəz
etmiş liderlər rəhbərlik etdikləri ölkənin müstəqilliyi haqda düşünməyiblər.
Onları yalnız onun-bunun havadarlığı altında işğalçılıq planları maraqlandırıb.
44 günlük müharibədə üzləşdikləri ağır məğlubiyyət və faktiki kapitulyasiya isəindi bütövlükdə Ermənistanın hətta bir dövlət kimi də siyasi xəritədən tamamilə
silinməsi təhlükəsi ilə üzləşdirib. Çünki onlar özləri indi daxildə bir-birilərini
ittiham etməyə, didməyə başlayıblar.
Ağdamın azad edilməsinə səbəb olan 44 günlük müharibənin qaliblərinə - Ali Baş
Komandana, Azərbaycan Ordusuna, bütün qazilərimizə eşq olsun!»
Bilman İSAQ
