Rusiya Xarici İşlər Nazirliyinin Moskva Dövlət Beynəlxalq Münasibətlər İnstitutu (MDBMİ) Bakıda və Daşkənddə filiallarının açılması istiqamətində iş aparır.
GunAz.az TASS-a istinadən xəbər verir ki, bunu Rusiya xarici işlər naziri Sergey Lavrov bəyan edib.
“MDBMİ xaricdə mövqelərini möhkəmləndirir. Azərbaycan və Özbəkistanla birgə MDBMİ filiallarının yaradılması ilə bağlı hazırlıq işi görür”, - deyə o vurğulayıb.
Lavrov qeyd edib ki, hazırda ali təhsil ocağının nizamnaməsinə Azərbaycan və Özbəkistanda filialların açılması üçün müvafiq dəyişikliklər edilir. O bildirib ki, bu addım MDB məkanında Rusiya humanitar mövcudluğunun genişləndirilməsinə xidmət edəcək.