"Bu yer Zəhranın nənəsi ilə gəzməyə çıxdığı və şəhid olduqları yerdi... Evlərinin qarşısı... And içirəm ki, bu şəkilləri paylaşmaqda məqsədim bəzilərinə bu mesajı çatdırmaq olub. Dənizə, hovuzda istirahətə ayırdığınız 5-6 saatı, imkan tapıb Zəhranın ailəsinə ayırın..." Gunaz.azteleqraf.com-a istinadən bildirir ki, bu sözləri instaqram hesabında müğənni Gülay Zeynallının həyat yoldaşı, tanınmış idman məşqçisi Kamil Zeynallı yazıb. O, ürəyinin sızladığına görə bura gəldiyini bildirib: "Mən qız atasıyam. Zəhranın atası kimi... Bu dərdi ən çox valideyn olan şəxslər anlayar. And olsun yaradana ürəyim sızlayıb deyə gəlmişəm. Mənə "Özünü reklam edir" deyənlərə bir sözüm var: Mən sadəcə Azərbaycan vətəndaşı olaraq, öz borcumu yerinə yetirməyə gəlmişəm. Bu öz içimdən gələn valideyn duyğusudur. Şoubiznesin 70 faizi Füzulidəndir. Niyə heç kim Füzuliyə gəlib Zəhranın qəbrini ziyarət etmir?..."
