Bu faydalarını biləndən sonra həmişə üzüm yeyəcəksiniz

Araşdırmalara əsasən üzümün sağlamlığa çoxsaylı faydaları var.
GunAz.az xarici KİV-ə istinadla bildirir ki, mütəxəssislərin sözlərinə görə, üzüm qan təzyiqinin tənzimlənməsinə, yuxunun yaxşılaşmasına, immunitetin möhkəmlənməsinə və hətta çəkinin normada saxlanmasına kömək edir.
1600-dən çox faydalı birləşmə
Araşdırmanın müəllifi Con Pettsuto bildirib ki, üzümün tərkibində 1600-dən artıq faydalı birləşmə mövcuddur. Onların arasında ictimaiyyətə tanış olan resveratrol və kversetinlə yanaşı, flavonoidlər, katexinlər və stilbenlər də var.

Hüceyrələri qoruyur

Klivlend klinikasının dietoloqu Culiya Zumpano qeyd edib ki, üzümdəki antioksidantlar hüceyrələri zədələnmədən və oksidləşdirici stressdən qoruyur: “Bu güclü maddələr beynimizi, ürəyimizi və hüceyrələrimizi müdafiə edir”, – mütəxəssis vurğulayıb.

Qan şəkəri və çəkiyə nəzarət

Zumpano bildirib ki, üzüm liflə zəngindir. Bu, qan şəkərinə, iştaha və çəkiyə nəzarət etməyə imkan verir, eyni zamanda bağırsaq mikrobiomunu dəstəkləyir.

Təzyiqi azaldır

Üzümdəki kalium qan təzyiqinə müsbət təsir göstərir. Onun natrium miqdarı isə çox aşağıdır ki, bu da sağlam göstəricilərin qorunmasına kömək edir.

Yuxu, immunitet və sümüklərə təsir

Mütəxəssis əlavə edib ki, üzümdə melatonin var və bu, sakit yuxunu təmin edir. C vitamini immun sistemi gücləndirir. Bundan başqa, üzümün tərkibindəki K vitamini, kalsium, maqnezium və kalium sümüklərin möhkəmlənməsinə xidmət edir.

Günlük norma

Araşdırmaya görə, üzümün faydaları gündəlik 1–3 porsiya qəbul edildikdə özünü göstərir. Bir porsiya təxminən 126 qram və ya üçdə dörd stəkan üzümə bərabərdir.Lent.az