Noyabrın 13-dən Abşeron rayonunda Xırdalan şəhəri ilə Görədil qəsəbəsini əlaqələndirən 592 və Qobu qəsəbəsi ilə Bakı Beynəlxalq Avtovağzal Kompleksini əlaqələndirən 567 nömrəli marşrut xətləri üzrə hərəkət edən avtobuslarda gediş haqqı “BakıKart” vasitəsilə ödəniləcək.
Bu barədə həmin xətlərdə sərnişinlərə xidmət göstərən “Xaliq Faiqoğlu” şirkəti məlumat yayıb.
Məlumata görə, bu məqsədlə avtobuslarda ödəniş cihazlarının quraşdırılmasına başlanılıb.
