SON DƏQİQƏ
» » Magistratura ilə bağlı bu qayda sentyabrdan qüvvəyə minir

Magistratura ilə bağlı bu qayda sentyabrdan qüvvəyə minir

Tarix:

12-05-2023, 14:41

/ 1 629 dəfə oxundu.
Magistratura ilə bağlı bu qayda sentyabrdan qüvvəyə minir

Elmi təşkilatlarda magistratura yaradılmayacaq.

Bu, Milli Məclisin bu gün keçirilən iclasında müzakirəyə çıxarılan "Təhsil haqqında” qanuna təklif edilən dəyişiklikdə əksini tapıb.

Qüvvədə olan qanuna əsasən, magistratura elmi-pedaqoji kadr potensialı, maddi-texniki bazası və təhsil infrastrukturu kifayət qədər yüksək olan ali təhsil müəssisələrində və müvafiq icra hakimiyyəti orqanının müəyyən etdiyi elmi təşkilatda yaradıla bilər. Bu siyahıdan elmi təşkilat çıxarılır.

Müvafiq olaraq qanunun digər maddələrinə də anoloji dəyişiklik təklif olunur. Məsələn, hazırda elmi təşkilat magistr təhsil proqramı əsasında təhsil prosesini həyata keçirən və məzunlara magistratura səviyyəsində təhsil haqqında dövlət sənədi verən qurumdur. Magistratura səviyyəsi üzrə təhsil fəaliyyətini həyata keçirən ali təhsil müəssisələri üçün müəyyən edilmiş müddəalar müvafiq icra hakimiyyəti orqanının müəyyən etdiyi elmi təşkilata şamil edilir. Layihəyə əsasən, bu müddəalar ləğv edilir.

Qəbul ediləcəyi halda bu müddəalar 2023-cü il sentyabrın 1-dən qüvvəyə minəcək.

Qanun layihəsi səsverməyə çıxarılaraq birinci oxunuşda qəbul edilib.
скачать dle 12.1

Şərhlər