20 Yanvar şəhidlərimizin əziz xatirəsini ehtiramla yad edirik. Bunu Xarici İşlər Nazirliyinin Mətbuat xidməti idarəsinin rəisi Ayxan Hacızadənin Tvitter hesabında bildirib. "Bu gün Azərbaycan 1990-cı ilin 20 Yanvarını Azərbaycan xalqının xarici təcavüzə qarşı mübarizə tarixində qəhrəmanlıq səhifəsi kimi qeyd edir. Azərbaycanın azadlığı, müstəqilliyi və ərazi bütövlüyü uğrunda həlak olan günahsız şəhidlərimizin əziz xatirəsini ehtiramla yad edirik”, - Hacızadə qeyd edib.
