Azərbaycanda ilk dəfə qatarda kitab təqdimatı keçirilib.
"Kitab qatarı"nda oxucularımızdan, kitab və səyahət blogerlərindən, əməkdaşlarımızdan ibarət təxminən qırx nəfərlik heyətlə yola çıxdıq. Təqdimatla yanaşı qatarda əyləncə və musiqi proqramı, müxtəlif maraqlı seminarlar da baş tutdu. Zəfər Gününə təsadüf edən səyahətimiz çərçivəsində, eyni zamanda Gəncə turu da reallaşdırdıq, Gəncəmizin görməli yerləri ilə tanış olduq, eləcə də erməni terrorundan zərər çəkmiş yerlərə baş çəkib əziz şəhidlərimizi yad etdik. Xoş xatirəsi uzun müddəti davam edəcək bu proses ümumilikdə 14 saat çəkdi və vaxtın necə gəlib-keçdiyini, doğrudan da, heç birimiz hiss etmədik. Bu səyahət həm də kitabın fərqli insanları necə doğmalaşdıra biləcəyini göstərdi. "Kitab qatarı” adlandırdığımız bu layihəni davam etdirmək niyyətindəyik”.
Numan Tariq təşəbbüsə dəstək olduqlarına görə "Azərbaycan Dəmir Yolları”na da təşəkkürünü bildirib