Rauf İlyasoğlu
Bakının H.Əliyev prospektində MEMİ adlı bir dükan var. Məgər belə dükanlar birdimi,ikidimi? Bu dükanlarda Avropadan gələn mallar satılır, özüdə geyilmiş mallar.
Dükana daxil olan kimi kraxmal iyi adamın burnunu deşir, hiss olunur ki, bu nimdaşlar hamısı avropadan gəlmiş paltarlardır.
Elə bilməyin ki, Avropadan təzə paltarlar gətirib satırlar, əsla yox .
Bizim işbazlar geyilmiş paltarlardan da pul çıxartmağı bacarırlar.
İş adamları üz tutublar Avropada kilsələrə, atılmış və ölü paltarlarını süpürləyib gətirib güya ki, ucuz qiymətə millətə sırıyırlar. Yazıq kasıblar da üz tutur bu dükanlara, əlacsızlıqdan alıb geyinirlər. Bir də eşidirik ki, kasıbın birini qaşınma tutub və ya allergiya olub.
Bizim Avropalılardan nəyimiz əskikdir? Neft bizdə, qaz bizdə, qızıl bizdə.
Özgənin iylənmiş cəmdəyinə dəymiş paltar nəyimizə lazımdır.?
Biz özümüzə niyə qiymət verməyi bacarmırıq?
Nimdaş paltar geyin, təki özününkü olsun. Görəsən geyinmiş paltarların, ayaqqabıların insan bədəninə ziyanı varmı?
Qalib xalqın yaxşı yaşamağa,işləməyə ( əgər iş tapa bilsələr) haqqı çatır.
Günah isə bizi çətin duruma salanlardadır.
