SON DƏQİQƏ

Güclü maqnit qasırğası gözlənilir

Tarix:

10-05-2024, 11:46

/ 3 065 dəfə oxundu.
Güclü maqnit qasırğası gözlənilir

Son üç gün ərzində Günəşdə M və X sinif alışmalar baş verib. X.2.2 alışması hesabına yaranan tac kütlə atılması Yerə istiqamətlənib, böyük ehtimalla mayın 11-də Yerə çatmalıdır.
Bakı Dövlət Universitetinin (BDU) Astrofizika kafedrasından GunAz.az-a verilən məlumata görə, 8-9 mayda bəzi oblastların aktivliyi səbəbindən geomaqnit qasırğası 11-12 may tarixlərində gün ərzində əsasən G1-G3 səviyyələri arasında dəyişəcək.
Mayın 11-də Bakı vaxtı ilə saat 09.00-12.00 radələrində  qasırğanın güclənəcəyi, G4 səviyyəsinə qədər yüksələcəyi proqnozlaşdırılır. Mayın 13-dən etibarən isə geomaqnit sahə normal səviyyəyə enəcək.
Bu günlərdə risk qrupuna daxil olan xəstələrin, yaşlı insanların və uşaqların səhhətində müəyyən narahatlıq-diskomfort halı güclənə bilər. Belə hallarda təşvişə düşmədən həkim nəzarəti altında profilaktik tədbirlərin görülməsi, fiziki və psixoloji yüklənməni azaldaraq fəal istirahətə üstünlük verilməsi tövsiyə olunur.
скачать dle 12.1

Şərhlər

XƏBƏR LENTİ