Belçika hökuməti təhlükəsizlik xidmətinin tövsiyəsindən sonra Tiktok tətbiqinin xidməti telefonlarda istifadəsinə müvəqqəti qadağa qoyub.
Bu barədə Belçika hökumətinin məlumatında deyilir.
"Milli Təhlükəsizlik Şurası martın 10-da federal hökumətin əməkdaşlarının xidməti telefonlarına Tiktok tətbiqinin quraşdırılmasına müvəqqəti qadağa qoyub”, - məlumatda deyilir.
Bildirilib ki, Belçika Dövlət Təhlükəsizliyi Xidməti və Kibertəhlükəsizlik Mərkəzi Tiktokun məxfiliyə müdaxilə riski daşıyan böyük miqdarda istifadəçi məlumatlarını topladığı barədə xəbərdarlıq edib.
