Xorvatiyanın Poreç şəhərində 22 yaşadək oğlan boksçular arasında Avropa çempionatında final görüşlərinə start verilib.
GunAz.az xəbər verir ki, həlledici görüşə vəsiqə qazanan Azərbaycan millisinin iki üzvündən rinqə əvvəlcə Ruslan Qədirov (54 kq) çıxıb.
Marian Çiniou (Rumıniya) və Elmir Nəbiyevi (Ukrayna) məğlub edən 20 yaşlı Azərbaycan çempionu finalda türkiyəli Səməd Gümüşlə üz-üzə gəlib. Gərgin keçən qarşılaşmada rəqib qələbə qazandığından boksçumuz gümüş medalla kifayətlənib.
Nəticədə, Azərbaycan yığmasının Avropa çempionatında qazandığı medalların sayı 3-ə çatıb. Belə ki, bundan əvvəl Cəlal Qurbanov (63,5) və Nəbi İsgəndərov (67 kq) bürünc medala layiq görülüblər. Boksçumuz Nicat Hüseynov (51 kq) isə final görüşünə axşam seansında çıxacaq.
