Futbol üzrə Türkiyə çempionatında çıxış edən "Fatih Karagümrük” klubuna yeni baş məşqçi təyin edilib.
İstanbul təmsilçisini Volkan Dəmirəl çalışdıracaq. Klubun yaydığı açıqlamada 40 yaşlı mütəxəssislə 2,5 illik müqavilə imzalandığı bildirilib.
Qeyd edək ki, Türkiyə millisinin sabiq qapıçısı ilk dəfə baş məşqçi kimi fəaliyyət göstərəcək. O, futbolçu karyerasını bitirdikdən sonra 2019-cu ildən 2021-ci ilin yayınadək "Fənərbağça” komandasında köməkçi məşqçi kimi işləyib. V.Dəmirəl "Fatih Karagümrük”ün baş məşqçisi postunda bir neçə gün əvvəl istefaya göndərilən Françesko Fariolini əvəz edib.
