Portuqaliyalı müdafiəçi Pepe 41 yaşında futbolçu karyerasını başa vurub.
GunAz.az xəbər verir ki, o, bu barədə instaqram hesabından paylaşım edib.
Qeyd edək ki, Pepe 2002-ci ildən peşəkar futbol oynayır. Onun son klubu “Portu” olub. O, 2019-cu ilin yanvarında azad agent kimi “Beşiktaş”dan Portuqaliya klubuna keçib.
İspaniyanın “Real Madrid” klubundakı çıxışı ilə yaddaşlarda qalan Pepe “kral klubu” ilə 3 dəfə Çempionlar Liqasının, 2 dəfə Klublararası Dünya Çempionatının və UEFA Super Kubokunun qalibi olub.
