Fransanın PSJ futbol klubunun argentinalı futbolçusu Lionel Messi Səudiyyə Ərəbistanının "Əl-Hilal" klubundan rəsmi təklif alıb.
Bu barədə "Röyters" agentliyi məlumat yayıb.
Qeyd edək ki, PSJ futbol klubu Lionel Messini iki həftəlik komanda ilə məşqlərdən kənarlaşdırıb. Sözügedən qərar futbolçunun Liqa 1-də "Loryen"lə matçdan sonra özbaşına Səudiyyə Ərəbistanına getməsi ilə əlaqədardır. Həmin matçda parislilər 1:3 hesabı ilə məğlub olublar.
Messinin cari mövsümün sonunda PSJ ilə müqaviləni yeniləməyəcəyi barədə xəbərlər də yayılıb.
