Balakəndə ölümlə nəticələnən yol-nəqliyyat hadisəsi baş verib.
GunAz.az-ın məlumatına görə, hadisə günorta saatlarında Yevlax-Zaqatala-Gürcüstan sərhəd yolunun Balakən rayonu ərazisindən keçən hissəsində qeydə alınıb.
Balakən rayonu Mahmalar kənd sakini, 1993-cü il təvəllüdlü Qaracayev Kərim İbadullah oğlu idarə etdiyi "VAZ 2101” markalı minik avtomobili ilə Balakəndən Zaqatala istiqamətində hərəkət edərkən idarəetməni itirib və nəticədə, avtomobil yol kənarındakı ağaca çırpılıb.
Hadisə zamanı müxtəlif dərəcəli ağır bədən xəsarətləri alan Kərim Qaracayev Balakən Mərkəzi Xəstəxanasına aparılıb.
Həkimlərin səyinə baxmayaraq, sürücü xəstəxanaya daxil olduqdan bir qədər sonra dünyasını dəyişib.
Faktla bağlı araşdırma aparılır.
