Bu gün səhər saatlarında Rusiyanın Noginsk şəhərində yaşayış binasında partlayış baş verib.
Partlayış nəticəsində 17 mənzil tamamilə dağılıb.
Xilasedicilər dağıntılar altından iki nəfərin cəsədini çıxarıb. 14 nəfər isə yaralanıb. Yaralılardan 6-sı xəstəxanaya yerləşdirilib.
Rusiya Fövqəladə Hallar Nazirliyi partlayışın qaz sızmasından baş verdiyini bildirib.
Hadisə yerində axtarış-xilasetmə işləri davam edir.
Ümumilikdə binadan 170-dən çox insan təxliyə edilib.
