Şəmkir rayonunun Düyərli kəndi ərazisində yol-nəqliyyat hadisəsi baş verib.
Daxili İşlər Nazirliyindən GunAz.az -a verilən məlumata görə, aqustun 4-də saat 22 radələrində Şəmkir rayonunun Düyərli kəndi ərazisində Bakı şəhər sakini Vüqar Vəliyevin idarə etdiyi “BMW” və Abşeron rayon sakini Mais Mirzəyevin idarə etdiyi “VAZ-21074” markalı avtomobillər toqquşub.
Nəticədə M.Mirzəyev və sərnişinlərindən Rəsul Əliyev hadisə yerində ölüb, digər sərnişini və V.Vəliyev xəstəxanaya yerləşdirilib. Baş İstintaq və Təhqiqat İdarəsi tərəfindən araşdırma aparılır.
