Hadisə rayonun Qara Qarayev prospektində qeydə alınıb.
Gunaz.az xəbər verir ki, “Fiat Doblo” markalı avtomaşını idarə edən Məmmədov Vuqar Vidadi oğlu “Praqa” restoranının qarşısında yolu keçmək istəyən Əmirov İsbat Kazım oğlunu vurub. Yaralının xəsarətləri ağır olduğundan elə hadisə yerindəcə keçinib.
Hadisə yerinə gələn Nizami RPİ-nin əməkdaşları avtomobili cərimə meydançasına aparıblar, sürücü isə izahatı alınması üçün istintaq şöbəsinə aparılıb.
Faktla bağlı Nizami RPİ-nin İstintaq Şöbəsində cinayət məcəlləsinin 263.2-ci maddəsi ilə cinayət işi başlanıb.
