Azərbaycanlı Rza Rzayev işdən evə qayıdarkən ağlına da gəlməyib ki, bir anda Rusiyanın diqqət mərkəzinə düşəcək.
Hadisə yanvar ayında Novosibirskin Plaxotnı küçəsində baş verib. Ağır kommunal qəza zamanı Rza Rzayev insanları qaynar sudan xilas edib. Və beləcə, Rusiyada qəhrəmana çevrilib. Qonşu ölkə mediasının baş xəbərinə çevrilib. Rossiya-1 kanalı Rzadan müsahibə də alıb. Bu böyük ürək sahibi hesabına köçürülən puldan imtina da edib. “Kimsəsiz uşaqların bu pula daha çox ehtiyacı var” deyərək onlara bağışlayıb. Öz qəhrəmanlığı ilə Azərbaycanı da qürurlandıran Rza Rzayevi İTV Xəbər Yekun tapdı.
