Pakistan dost ölkələrdən 4 milyard dollar alacaq.
GunAz.az xəbər verir ki, bu barədə maliyyə naziri Miftah İsmayıl kreditorla razılıq əldə etdikdən iki gün sonra deyib.
Pakistanın Beynəlxalq Valyuta Fondunun göstərdiyi xarici ehtiyatlardakı boşluğu doldurmaq üçün bu ay dost ölkələrdən 4 milyard dollar alacağı ehtimalı var.
BVF Pakistanla 1,17 milyard dollara yol açacaq razılaşma əldə edib. İdarə heyəti 2019-cu ildə razılaşdırılmış 6 milyard dollarlıq proqrama 1 milyard dollar əlavə etməyi də nəzərdən keçirir.
İsmayıl İslamabadda keçirdiyi mətbuat konfransında xarici ehtiyatların çatışmazlığına toxunaraq, "BVF-nin məlumatına görə, 4 milyard dollarlıq boşluq var” deyib.
"Biz bu boşluğu iyulda dolduracağıq. Düşünürük ki, dost ölkədən 1,2 milyard dollar təxirə salınmış neft ödənişləri alacağıq. Fikrimizə görə, xarici ölkələrdən biri G2G (hökumətdən hökumətə) əsasında səhmlərə 1,5 ilə 2 milyard dollar arasında sərmayə qoyacaq, başqa bir dost ölkə yəqin ki, bizə təxirə salınmış ödənişlə qaz verəcək, başqa bir dost ölkə isə müəyyən işlər görəcək, depozitlər verəcək”, – deyə Pakistanın maliyyə naziri bildirib.
Onun sözlərinə görə, ölkə 2022-2023-cü maliyyə ilində Dünya Bankı və Asiya İnkişaf Bankından da təxminən 6 milyard dollar alacaq.
Ehtiyatların tükənməsi, artan cari hesab kəsiri və Pakistan rupisinin ABŞ dollarına nisbətdə ucuzlaşması ölkəni tədiyə balansı böhranı qarşısında qoyub.
"Xarici maliyyələşdirmə üçün başqa imkanlar açmalı olan BVF ilə razılaşma olmadan ölkə defolt ərəfəsində ola bilər”, – deyə İsmayıl vurğulayıb.
