Yutub platforması Rusiya televiziyası üçün media-kontent istehsal edən "Qırmızı Meydan” şirkətinin kanalını bloklayıb.
Bu barədə Rusiya mediası məlumat yayıb.
Qeyd olunur ki, "Qırmızı Meydan" televiziya və musiqi məzmunu istehsal edən holdinqdir. Şirkət televiziya proqramları, seriallar, sənədli və bədii filmlər yaradır, həmçinin konsert fəaliyyəti ilə məşğul olur.
"Qırmızı Meydan”ın ən məşhur layihələri: "Şöhrət dəqiqəsi”, "Kim milyonçu olmaq istəyir?”, "Sınaq alış-verişi”, "Gəl, evlənək” verilişləri, eləcə də "Məktəb", "Səslər", "Qarajlar" və "Qaçış" seriallarıdır.
