Mayın 25-i axşam saatlarında Tehranın cənub-şərqində yerləşən "Parçin” bölgəsində İranın hərbi sənaye zavodlarında güclü partlayış baş verib.
Bu barədə "Azad İran" Teleqram kanalı məlumat yayıb.
Partlayışın şiddətli olduğu və partlayış səsinin onlarla kilometr məsafədən eşidildiyi bildirilir. Hərbi qüvvələr partlayış baş verən bölgəni mühasirəyə alıb, gediş-gəliş dayandırılıb.
Hadisə nəticəsində bir nəfər ölüb, bir nəfər yaralanıb.
