Ermənistan Baş naziri Nikol Paşinyanla Rusiya Prezidenti Vladimir Putin arasında Moskvada keçirilən görüşdə 6 sənəd imzalanıb.
Bu barədə Ermənistan hökuməti məlumat yayıb.
İmzalanan 6 sənəd aşağıdakılardır:
- Ermənistan Əmək və Sosial İşlər Nazirliyi ilə Rusiya Əmək və Əhalinin Sosial Müdafiəsi Nazirliyi arasında Əməkdaşlıq Memorandumu;
- Ermənistan Ədliyyə Nazirliyinin İcra Xidməti ilə Rusiya Federal Məhkəmə İcraçıları Xidməti arasında 2022-2023-cü illər üçün əməkdaşlıq proqramı;
- Enerji və qeyri-enerji layihələri sahəsində Ermənistan-Rusiya əməkdaşlığının hərtərəfli proqramı;
- Rusiya Baytarlıq və Fitosanitar Nəzarəti üzrə Federal Xidmətinin Departamenti ilə Ermənistan Qida Təhlükəsizliyinə Nəzarət arasında bitki karantini sahəsində informasiya sistemlərinin inteqrasiyası haqqında protokol;
- Ermənistan Təhsil, Elm, Mədəniyyət və İdman Nazirliyi ilə Rusiya Mədəniyyət Nazirliyi arasında 2022-2025-ci illər üçün Mədəni Əməkdaşlıq Proqramı;
- Ermənistan Ədliyyə Nazirliyi ilə Rusiya Ədliyyə Nazirliyi arasında 2022-2023-cü illər üçün əməkdaşlıq proqramı.
