Ukrayna Müdafiə Nazirliyi bəzi rus hərbçilərinin tərəfini dəyişdiyini və Rusiya ordusuna qarşı döyüşmək üçün yeni alay yaratdıqlarını bildirib.
GunAz.az xəbər verir ki, "Rusiya Azadlıq Legionu” adlandırılan alayın ilk təlimlərinin keçirildiyi vurğulanıb.
"Baget” qəzetində dərc olunan məqalədə isə əsir düşən rus hərbçilərinin əhval-ruhiyyənin aşağı olması səbəbindən təslim olduqları və Ukrayna ordusunun sıralarına qatıldıqları bildirilib. Digər tərəfdən ekspertlər tərəf dəyişən hərbçilər arasında agentlərin olma ehtimalına qarşı sərt tədbirlər görüldüyünü deyiblər.
Ukrayna ordusu tərəfini dəyişən rus hərbçilərinə ilk təlimi verib. Təlimdə hərbçilərə NATO silahlarından istifadə qaydaları öyrədilib. Rəsmilər təlimin uğurla keçdiyini bildiriblər. Teleqraf.com
