Rusiya Prezidenti Vladimir Putin RF-nin təhlükəsizliyini təmin etmək üçün xarici iqtisadi fəaliyyət sahəsində xüsusi iqtisadi tədbirlərin tətbiqi haqqında fərman imzalayıb.
GunAz.az xəbər verir ki, dövlət başçısı bəzi məhsulların və xammalın idxalının qadağan olunacağı dövlətlərin siyahısını iki gün ərzində müəyyən etməyi tapşırıb.
O, həmçinin dekabrın 31-dək Rusiyadan məhsulların və xammalın ixracına qadağa qoyulmasına göstəriş verib. Onların siyahısını hökumət müəyyən edəcək.
Qeyd edək ki, daha öncə Putin Rusiyaya qarşı sanksiyalar tətbiq edən ölkələrin siyahısının hazırlanması barədə fərman imzalamışdı.
