Ukrayna Silahlı Qüvvələri Xarkovun müdafiəsini möhkəm saxlayır.
Bu barədə Xarkov vilayəti administrasiyasının rəhbəri Oleq Sinequbov məlumat verib.
Xarkov Müdafiə Qərargahının məlumatına görə, şəhərin quru hissəsi tam olaraq Ukrayna Silahlı Qüvvələrinin nəzarətindədir:
"Şəhərdə nizami düşmən dəstələri yoxdur, təxribat-kəşfiyyat qrupları da yoxdur. Biz tez bir zamanda ayrı-ayrı diversantları müəyyənləşdirib məhv edirik”.
Onun sözlərinə görə, bu gün səhər Xarkovda hərbi obyektlər haqqında məlumat toplayan qadın kəşfiyyatçı saxlanılıb.
