ABŞ Dövlət katibi Entoni Blinkenlə NATO Baş katibi Yens Stoltenberq arasında telefon danışığı olub.
GunAz.az xəbər verir ki, telefon danışığının gedişində NATO-Rusiya Şurasının iclasından sonra atılacaq qarşılıqlı addımlar müzakirə edilib.
Dövlət Departamentindən bildirilib ki, ABŞ və NATO Rusiya ilə yeni görüş keçirməyə hazırdır:
"Dövlət katibi Entoni Blinken yanvarın 12-də keçirilən NATO-Rusiya Şurasının iclasından sonra gələcək addımları müzakirə etmək üçün NATO-nun Baş katibi Yens Stoltenberqlə danışıb. Birləşmiş Ştatlar və NATO Rusiya ilə yenidən görüşməyə, diplomatik fəaliyyəti və qarşılıqlı dialoqu davam etdirməyə hazırdır”