Rusiya və Belarusun hərbi təyyarələri Belarus sərhədlərində birgə patrul xidməti həyata keçirib.
GunAz.az xəbər verir ki, bu barədə Belarus Müdafiə Nazirliyi məlumat yayıb.
Məlumatda Belarus hava məkanında patrul uçuşları həyata keçirən uzaq mənzilli Tu-22M3 bombardmançılarının Rusiyadakı bazalarına geri döndüyü bildirilib.
Rusiyanın müdafiə rəsmiləri qeyd ediblər ki, sözügedən patrul uçuşları Rusiya və Belarusun yaratdığı ittifaq dövlətinin hərbi təhlükəsizliyini təmin etmək üçün həyata keçirilib və heç bir üçüncü ölkəyə qarşı yönəlməyib.
