Britaniya 1979-cu ildə təhvil verilməyən tanklara görə Tehrana 535 milyon dollar borcunu ödəməyə razılaşıb.
Bunu İran xarici işlər nazirinin müavini Əli Bagiri deyib.
"Borcun ödənilməsi ilə bağlı əsas amil razılaşdırılıb, lakin ödəniş üsulu və prosesi həll olunmayıb", - iranlı diplomat qeyd edib.
Qeyd edək ki, 2012-ci ildə BMT-nin Beynəlxalq Ədalət Məhkəməsi Böyük Britaniyanı 1974-cü ildə İranla bağlanmış müqaviləni pozduğu üçün bu ölkəyə təzminat ödəməyə çağırıb. Bu müqaviləyə əsasən, Britaniya İrana 1000-dən çox tank tədarük etməli idi, lakin 1979-cu ildə İranda baş verən inqilab və ruhanilərinin hakimiyyətə gəlməsi səbəbindən London müqavilənin şərtlərini yerinə yetirməkdən imtina edib. Tehran hələ də təzminat ala bilməyib.
