Kabil beynəlxalq hava limanında kamikadze özünü partladıb.
Bu barədə yerli jurnalistlər məlumat yayıb.
Partlayışdan sonra koalisiya qüvvələrinin iştirakı ilə atışmanın baş verdiyi deyilir.
***
Kabil aeroportu yaxınlığında ikinci partlayış baş verib.
Partlayış nəticəsində ən azı 13 nəfərin öldüyü, 70 nəfərin yaralandığı bildirilib. Onların arasında uşaqlar da var.
***
Taliban nümayəndəsi Məhəmməd Naim partlayışda İŞİD-in əlinin olmasını istisna etməyib.
O bildirib ki, partlayışı kimin törətməsi ilə bağlı detallı məlumata sahib deyillər.
***
Kabil aeroportunda üçüncü partlayış baş verib.
Terror aktları nəticəsində ən azı 60 nəfər ölüb, 150-i yaralanıb.
KİV-in məlumatına görə, partlayışlar nəticəsində 10 amerikalı hərbçi də həlak olub.
***
Kabildə daha iki partlayış baş verib. Partlayışlarda ölən amerikalı hərbçilərin sayı 12-yə çatıb.
***
Silsilə partlayış nəticəsində ölənlərin sayı 90-a çatıb.
Bu barədə Əfqanıstanı Səhiyyə Nazirliyi məlumat yayıb.
***
Kabildəki teraktlarda ölənlərin sayı 100 nəfəri keçib.
Məlumata görə, ölənlərin 13-ü amerikalı hərbçilərdir.
