Birləşmiş Millətlər Təşkilatının (BMT) Baş katibi Antonio Quterreş liderlərinin dəqiq kimlər olduğu müəyyənləşəcəyi təqdirdə, "Taliban”la danışmağa hazır olduğunu bildirib.
GunAz.az xəbər verir ki, bu barədə Quterreş BMT-nin mənzil qərargahında jurnalistlərin suallarını cavablandıran zaman danışıb.
ABŞ-ın paytaxt Kabildəki hava limanından tamamilə çəkilməsindən sonra BMT-nin hava limanını idarə edə biləcəyinə dair suala Quterreş bildirib ki, BMT-nin indiki şəraitdə hava limanını istismar etməsi real deyil
BMT rəsmisi Əfqanıstanda bütün etnik qrupları təmsil edən hökumət qurulmasını və insan hüquqlarına hörmət edilməsini istəyib.
