Əfqanıstandakı hazırkı situasiya ABŞ və NATO-nun digər üzvlərinin kəşfiyyatlarının səriştəsiz fəaliyyətinin nəticəsidir.
Bunu Rusiya Təhlükəsizlik Şurasının katibi Nikolay Patruşev deyib.
"ABŞ-ın və onların müttəfiqlərinin siyasi və hərbi rəhbərliyinin Əfqanıstandakı situasiyaya tam nəzarət etməsi ilə bağlı əminliyi real vəziyyəti doğru qiymətləndirə bilməməsinə gətirib çıxardı” – deyə o bildirib.
Patruşev Əfqanıstandakı terror təşkilatlarının gələcəkdə Mərkəzi Asiyaya, Çinin Sintzyan bölgəsinə, İranın şimalına, Hindistana yönələ biləcəyini deyib. O, həmçinin ABŞ-ı qlobal miqyasda narkolaboratoriya yaratmaqda ittiham edib:
"Narkotrafiklə mübarizə yerinə 20 il ərzində ABŞ qlobal miqyasda narkolaboratoriyaların yaradılmasını reallaşdırdı. Tiryək istehsalı 40 dəfədən çox artıb”.
