Gürcüstanın hüquq-mühafizə orqanları Tiflisdə LGBT nümayəndələrinə qarşı keçirilən mitinqdə iştirak edən 100 nəfəri saxlayıb.
Bu məlumatı Gürcüstan Daxili İşlər Nazirliyi yayıb.
Saxlanılardan 68 nəfər daha sonra azadlığa buraxılıb, digərlərinin isə müvəqqəti təcridxanada saxlanıldığı bildirilib.
Qeyd edək ki, bundan öncə Tiflisdə LGBT nümayəndələrinə qarşı keçirilən mitinqdə 55 nəfər xəsarət almışdı. Onların 53-nün KİV nümayəndəsi olduğu bildirilmişdi.
